44 urteko gizon bat atxilotu zuen Udaltzaingoak, larunbatean gauerdian, Gasteizko Koroatze auzoan, genero indarkeria delitu bat leporatuta. Udaltzainek jasotako lekukotzen arabera, gizonak emaztea kolpatu zuen etxean izaniko liskar batean. Azalpenak entzun eta biktimak zituen zauriak ikusirik erabaki zuten poliziek gizona atxilotzea; emakumea eta bi alabak ospitalera eraman zituzten.
Komisaldegian diligentziak egin ostean, epaitegiaren aurrera eraman zuten gizona.
Tratu txarrak pairatzen badituzu edo kasuren bat ezagutzen baduzu, deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.