Iragarritako lanuztea baino ordu batzuk lehenago auzia konpontzeko azken bilera deitu dute. Dena den, sindikatuek enpresak jarrera aldatzeko itxaropenik ez dute. Alta, Gorka Urtaran alkateak esan du bere gobernuak bitartekari lana egiten jarraituko duela, eta haren ustetan ez dela lanuzterik izango.
Gasteizko Udalaren kontratazio-zerbitzuko buruaren bigarren txosten batek berretsi ditu apirilaren 10ean egindako lehenbiziko irizpenaren argumentuak; hain zuzen ez direla baldintza legalak ematen FCC-GMSM eta Urtaranen arteko hitzarmena betetzeko. Kalte-ordainik ordaindu gabe zerbitzua utzi, eta lehiaketa berri bat ateratzea ahalbidetzen zuen.