Ernai gazte antolakundeak Altsasuko gazteen askatasuna eskatzeko eta herri horren kontrako "muntaia poliziala" salatzeko deialdiak hamaika lagun bildu ditu Gasteizko kaleetan. Antolatzaileek euskal gazteriaren etorkizuna jokoan dagoela nabarmendu dute. Ertzaintza bertan zegoela, Espainiako Gobernuko Ordezkaritzan margo gorria bota dute. Ibilbide osoan zehar, "Altsasukoak askatu" oihukatu dute, eta mobilizazioaren amaieran, epaia erre egin dute.
Bihar Iruñera joateko deia egin diete parte-hartzaileei. Dagoeneko autobus ugari bete dira, baina oraindik tiketak daude salgai. Txagorritxun eta Judimendin auzoko autobusak antolatu dituzte, eta gaur Gasteizen, Andra Maria Zuriaren plazan, Gazte Elkartasun Gunea martxan jarri dute.