alea.eus

Udalak, Aldundiak eta Jaurlaritzak 22 milioi euro jarriko dituzte Mendizorrotza handitzeko proiektuan

Erredakzioa 2018-06-14 12:35   Gizartea  Gasteiz

Gorka Urtaran alkateak 2025erako Mendizorrotza berria prest egongo dela adierazi du.

Udalak, Aldundiak eta Jaurlaritzak 22 milioi euro jarriko dituzte Mendizorrotza handitzeko proiektuan
Bingen Zupiria Kultura sailburua, Ramiro Gonzalez diputatu nagusia, Gorka Urtaran alkatea eta Alfonso Fdz de Troconiz Alaveseko presidentea Mendizorrotzan. | Ikusi handiago | Argazki originala

Gasteizko Udalak, Arabako Foru Aldundiak eta Eusko Jaurlaritzak inbertsio osoaren %40a jarriko dute Mendizorrotza eraberritzeko eta handitzeko asmoarekin. Gainerako %60a taldeak jarriko du. Udalak zortzi milioi euro emango ditu eta beste bi erakunde publikoek zazpi milioi euro; guztira, proiektuaren finantzazio ekonomikoa 50 milioikoa izango dela aurreikusten dute. Proiektua zehaztu ez badute ere, zelai berria 2025erako prest egongo dela adierazi du Gorka Urtaran alkateak.

Alkateak azaldu du egingo duten inbertsioa hiriarentzako "proiektu estrategikotzat" jotzen duela eta, Mendizorrotza futbol-zelaiak udal-titulartasuna duenez, diru-laguntza publikoa eskainiko diola. Alfonso Fernandez de Troconiz Alaveseko presidenteak, bestetik, azpimarratu du futbol-zelaia ez dagoela egokituta eta irisgarritasun arazoak dituela, esate baterako, igogailu bakar bat dagoela milaka lagunentzako.      

  

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Izan zaitez ALEAkide.



Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa