alea.eus

Hogeita hamar isunetik gora zaborra tokiz kanpo uzteagatik

Erredakzioa 2018-06-13 07:00   Gizartea  Gasteiz

Hogeita hamar salaketatik gora jarri ditu Udaltzaingoak Gasteizen azken hilean, zaborra tokiz kanpo uzteagatik.

Hogeita hamar isunetik gora zaborra tokiz kanpo uzteagatik
Zaborra tokiz kanpo uzteagatik 30 isuna jarri dituzte azken hilabetean Gasteizen. ALEA | Ikusi handiago | Argazki originala

Udaltzaingoak eta Gasteizko Udaleko Ingurumen Sailak areagotu egin dituzte zaborra tokiz kanpo uztea ekiditeko kontrolak, eta hogeita hamar salaketatik gora jarri dituzte azken hilabetean. Hamabi salaketa jarri zaizkie norbanakoei eta gainerakoak merkatariei. Hiriko hainbat lekutan, zaborrak, hondakinak eta neurri handiko beste hainbat objektu edukiontzietatik eta bilketa pneumatikoko guneetatik kanpo uzteagatik zigortu dituzte herritarrak.

Ordenantzak jasotzen duenez, zaborrak lekuz kanpo uztea administrazio arau-hauste arina da, eta Ingurumen Sailak 90 eurotik 750 eurora bitarteko isuna jar lezake. Udaltzaingoak gogoratu du FCCk hondakin handiak doan jaso eta ondoren tratatzeko doako zerbitzua duela. Horretarako aski da zerbitzuarekin harremanetan jartzea –945 28 65 00 telefonoa– eta hondakinak uzteko lekua, eguna eta ordua zehaztea.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Izan zaitez ALEAkide.



Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa