alea.eus

Harrikada Fest-en aurkezpen jaia izango da ostiralean Gasteizen

Erredakzioa 2018-06-07 12:53   Kultura  Gasteiz

Harrikada Fest musika elektronikoa eta arteak nahasten dituen festibalari ongietorria emango dio Gasteizek ekainaren 8an.

Harrikada Fest-en aurkezpen jaia izango da ostiralean Gasteizen
Harrikada Fest jaialdia irailean izango da, baina ostiralean aurkeztuko dute. /Alea | Ikusi handiago | Argazki originala

Ostiraleko egitaraua 21:00etan hasiko da Ta ezer ez da Berlin kontakizun musikatuekin, Joana Otxoa de Alaiza eta Garazi Ugalderen eskutik. Gasteizko Gaztetxeak Black Rabbit Greta Isabella Contek sorturiko film erotikoa aurkeztuko du, eta Erika Lust porno feministaren zuzendariak Conteren lana bere Xconfessions film erotikoen bilduman gaineratu zuen artista gonbidatua izango da.

Frau Kaufmann gazteak, Watergate edo Wild Renate bezalako Berlingo areto ezagunenetan ibili den musikariak, aurkezpenean parte hartuko du 23:00etan. Dj Cubok ere bere lekua hartuko du aurkezpenen egunean, punk, techno, soul zein musika jamaikarraren eragina islatuz. Harrikada Fest-en helburua Euskal Herriko herrialdeen arteko zubi lanak sortu eta Dj-ak zein sortzaile gazteak ezagutzera ematea da, Alemaniako sortzaileak erakartzearekin batera.

 

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Izan zaitez ALEAkide.



Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa