Garbiketa greba deitu dute hilaren 20tik 26ra

Garbiketa greba deitu dute hilaren 20tik 26ra
Adostutakoa bete ezean, irailerako ere greba iragarri dute. / Alea

Azkena Rock jaialdia eta Judimendiko jaiak izango dira egun horietan. 

Hilaren amaieran greba egingo dute Gasteizko garbiketa langileek. FCC+GMSM-ko langileen %56k erabaki dutenez, greba izango da ekainaren 20tik 26ra. Azken Rock jaialdia edota Judimendiko jaiak izango dira egun horietan. Beste langile talde batek, %41k, irailera itxoitearen alde egin du; orduan amaigabeko greba bat egitea iragarri dute. Ekainean egitearen aldekoek ere bat egin dute irailean egingo denarekin.

Enpresak agindutakoa betetzen ez duela salatu dute langileek; baja edota hitzarmen kolektiboan adostutakoa ez duela betetzen esan dute. "Langile moduan dagozkigun eskubideak urratzen jarraitu dute, egungo lan hitzarmena eta akordioak bete gabe; hain zuzen, adostutakoengatik geratu zen bertan behera greba". 

 

 

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide