Gaur hasiko da Gasteizko Jazz Jaialdiaren 42. edizioa. Urtero moduan, egitarau oparoa prestatu dute horren bueltan; eta ohikoa den moduan, gospel kontzertu batekin hasiko da aurtengo jazzaldia; hain justu, Chicagoko Leanne Faine & Favor taldeak emango duen emanaldiarekin.
Bestetik, egun horietarako aurreikusitako saio guztien artean nabarmentzekoa da uztailaren 20an, Gasteizko Ganbera Orkestrak Mendizorrotzan eskainiko duena; Perico Sambeat laukotearekin batera, Miguel Blancoren musika joko dute Iker Sanchezek gidatutako 25 musikarik. Uztailaren 21eko gaua ere berezia izango da, Brooklyn Funk Essentials eta Kool & The Gang taldeen eskutik.
Kontzertuetarako sarrerak salgai daude 20 eta 45 euro artean; abonamenduak ere jarri dituzte zaleen eskura.
Hona hemen egitaraua, osorik:
Egitaraua, egunez egun
Mendizorrotzan
• 17. Leanne Faine & Favor.
• 18. Hudson y Al McKay´s Earth, Wind & Fire.
• 19. Carla Bruni – Mingus Big Band.
• 20. Gasteizko Ganbara Orkestra & Perico SambeatQuartet – Cory Henry & The Funk Apostles.
• 21. Brooklyn Funk Essentials – Kool&The Gang.
Principal antzokian
• 17. David Cid Trio – Joel Frahm.
• 18. Avishai Cohen.
• 19. Camila Meza.
• 20. Bridges con Seamus Blake.
• 21. Fred Nardin Trio – Fabrizio Bosso.