Euritako bat, irribarre bat eta begi bat ageri dira zuri-beltzeko kartel minimalistan, Gasteizko jaietarako deia eginez. "Begi bat itxita, jaietara deitzeko keinua irudikatu nahi izan dut", adierazi du kartelaren egileak.
Uxue Castillo Eguren gasteiztarra da, 25 urtekoa. EHUko Diseinua eta Sorkuntzan graduatua da, eta graduondoa Estanpatuen Diseinuan egin zuen Bilbon. Egun, diseinu lanak, ilustrazioak eta ehungintzarako margoketan lanak egiten dabil. Gasteizko I. Marrazki azokan (Mazoka) ere hartu zuen parte. 1.500 euro eskuratuko ditu irabazleak eta 250 azken hiru finalistek.