Dagoeneko erabilgarri dago Ignacio Aldecoa ikastetxeko kirol eremua zena baliatuz egin den azpiegitura.
Bi solairuko aparkalekua egokitu da bertan. Behekoan, lehen nahierara okupatutako espazioa berrantolatu da, eta 105 aparkaleku (horietako 3 egokituak) jarri dira. Lehen solairuan, 4 bizikleta-aparkatzeko bikoitz instalatu dira, eta 52 aparkaleku (3 egokitu).
Horrez gain, bestelako lan hauek ere egin izan dira: eraistea, eragindako zerbitzuak berriro jartzea, inguruko urbanizazioa sendotzea, ur-ebakuazio, elektrizitate eta argiztapen instalazioak, seinaleztapena, margotzea, eta espazio berria osatzeko behar ziren gainerakoak.
Eraikuntza Birgaikuntza Artapena SL enpresak egin ditu obrak, 366.402,94 euroko aurrekontuarekin (BEZa barne).