Udazkenetik aurrera, TAO zerbitzua telefono mugikorraren bitartez ordaintzeko aukera izango da: modu horretan, erabiltzaileek ez dute parkimetroraino joan behar, aparkatzeko txartela eskuratzeko. Izan ere, TAOa telefono mugikorraren bitartez ordaintzeko sistema bat jarriko dute. Aplikazio batekin ordaindu ahalko da dagokion tarifa, eta oraingo ordainketa metodoak ez dituen beste abantaila batzuk ere eskainiko ditu. Tokiko Gobernu Batzarrak gaur onetsi du ordainketa sistema telematikoa ezartzeko lehiaketa.
Hala, ordaintzeko nahikoa izango da dagokion doako aplikazioa deskargatzea, Play Store eta App Store plataformetan. Aparkatzeko txartela erosteaz gain, erositako epea luzatzeko aukera ere eskainiko du metodo berri honek. Gainera, baimendutako denbora gainditzeagatik salaketa baliogabetu, edo ordainketa-egiaztagiria lortu ahal izango da mugikorraren bitartez. Gainera, erabiltzaileari alerta bat bidaliko dio erositako denbora bukatzear dela ohartarazteko, baita salatu dutenean ere.