alea.eus

Zabalganeko liburutegia zabaldu dute

Erredakzioa 2018-02-05 13:52   Kultura  Gasteiz

Liburutegiak 9.000 liburu baino gehiago eskainiko dizkie auzokideei.

Zabalganeko liburutegia zabaldu dute
Kultura zinegotzi Estibaliz Canto eta Partaidetza eta Gizarte Etxeen zinegotzi Isabel Martinez inaugurazioan izan dira. | Ikusi handiago | Argazki originala

Irailean ateak zabaldu zituen Zabalganako gizarte etxeak liburutegi berria estreinatu du. Honekin 23 dira udal sarean dauden liburutegiak, eta guztira, 9.372 dokumentu jarriko ditu auzokoen eskura.

Hala, Zabalganeko ekipamenduak familientzako liburutegia, gazte eta helduentzako liburutegia, ikasteko gela eta sarearen funtsak gordetzeko biltegi handia ditu.

Orotara, liburutegi sareak 200.000 liburu baino gehiago eskaintzen dizkie bazkide diren 95.799 lagunei. Aurreko urteko datuen konparatuta, %3,45 igo da kopuru hori.

Sarearen irudi berria

Inaugurazioarekin batera, Udalaren Liburutegi Sarearen irudi berria aurkeztu dute. Web-orriko informazioa ere berrantolatu da, bilaketa intuitiboagoa izan dadin. Gainera, otsailaren 12tik aurrera, liburutegi sarearen irudi berria daramaten poltsa bat eta orri-markatzeko bat emango zaie liburu bat maileguan hartzen dutenei, irakurleen fideltasuna eta ohitura saritzeko.

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Izan zaitez ALEAkide.



Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa