Urtarrilaren 18an Huntza taldeko trikitilari eta abeslari Josune Arakistain gaztea izango da SolasAlean saioaren gonbidatua. Hala, elkarrizketa irekien zikloak emakume sortzaile gaztea gertuagotik ezagutzeko proposamenarekin abiatuko du urtea. Oraingoan saioa Eraldaketa sortzaileON afera egitasmoarekin elkarlanean antolatu da. Horiek horrela egitasmo honen sustatzaileak diren Irantzu Lekuek eta Olatz Alonsok gidatuko dute elkarrizketa. Hori bai, betiko moduan publikoak nahi beste galdera egin ahalko ditu.