Gasteiztarrek babesa adierazi zieten, atzo iluntzean, Jordi Cuixart Omnium Culturaleko eta Jordi Sanchez ANC Biltzar Nazional Katalaneko presidenteei, Gure Esku Dago dinamikak Junts eta Gu beti Kataluniarekin lelopean deitutako elkarretaratzean. Bertaratutakoek bi erakunde horietako presidenteen espetxeratzea salatu zuten.
EAJ, Podemos, Irabazi eta EH Bildu taldeetako zenbait ordezkari izan ziren protestan. Gaur, atxiloketen aurkako adierazpena onartuko du Gasteizko Udalen Eledunen Batzarrak. Testu honek ez du PP udal taldearen babesa jasoko, eta ikusteke dago zein izango den PSE taldearen jarrera.