Martxoak 3ko gertakizunak kontatuko dituen filma grabatzen hasi dira Gasteizen. Urriaren 9an ekin diete filmaketa lanei, eta bost edo sei astez luzatuko da filmazioa. Zenbait eszena grabatzeko, gasteiztarren parte hartzea eskatu dute filmeko arduradunek eta Martxoak 3 elkarteak.
Pelikularen nondik-norakoak gertutik ezagutzeko, Alea pelikularen grabazioa izan da, zehazki, Los Angeles elizan. Bertan, 1976ko martxoaren 3a baino lehen egin ziren langileen batzordeak birsortu dituzte. Datozen egunetan, pelikula grabatzen jarraituko dute Gasteizko leku ezberdinetan, eta urriaren 30eko astean, esaterako, Martxoak 3ko gertakizunak izan ziren Zaramaga auzoko elizara eramango dute grabaketa.