Udalak Goiuri jauregiko eskaileraren garraioentzako seinaleztapena hobetuko du, gidariek beren autoekin bertara sartzea ekiditzeko. Izan ere, gaur bertan, auto bat jauregia eta Aihotz plaza lotzen dituen eskaileretan geratu da harrapatuta, eta suhiltzaileak bertaratu behar izan dira bertatik ateratzeko. Gaurko istripua ez da lehena izan. Abuztuan, beste kotxe bati gauza bera gertatu zitzaion, GPSaren oharrak jarraitu ostean.
Horren eraginez, Gasteizko udalak leku horretan seinaleztapena hobetzeko txostena egingo du.
