alea.eus

Gasteizko antzerki talde amateurren lanak, auzoetan ikusgai

Erredakzioa 2017-10-11 09:45   Kultura  Gasteiz

Bertako sei eszena proposamen estreinatuko dira gizarte etxeetan, urriaren 22tik abenduaren 17ra bitartean.

Auzo Eszena programako urritik abendura bitarteko denboraldirako sarreren salmena abian da. Auzo Eszenak Gasteizko arte eszenikoen alorreko konpainia ez-profesionalei beren proposamenak gizarte etxeetako ekitaldi aretoetan jendaurrean erakusteko aukera ematen die.

"Taldeek sormena, artea eta konpromisoa eskaintzen dute; guk, berriz, espazioak, ekipamenduak, zabalpena, sarrera-salmenta eta teknikarien gastuak. Horretaz gain, leihatilan bildutako dirua ere ematen diegu", azaldu du Kultura, Hezkuntza eta Kirol zinegotzi Estibaliz Cantok .

Sei taldek hartuko dute parte urritik abendura bitarteko programazioan: Trokomotxo, TAdir Teatro, Abstractoesfera, Asier Kidam, Los del Sótano eta Auskalhop; lauk gaztelaniaz, eta bik euskaraz.

Emanaldi guztiak urriaren 22tik abenduaren 17ra bitarteko igandeetan izango dira– urriaren 29an, azaroaren 5ean eta abenduaren 10ean izan ezik–, 19:00etan, Araneko, Salburuko, Arriagako eta Aldabeko gizarte-etxeetan. Sarrerak gizarte etxe eta kirol-instalazio guztietan (pilotalekuetan izan ezik) egongo dira salgai, eta 5 euro balio dute.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa