alea.eus

Asteartetik aurrera, txakurrak lotuta joan beharko dira Gasteizen

Erredakzioa 2017-10-06 13:16   Gizartea  Gasteiz

Azarotik aurrera, udaltzainek 120 eurotik gorako isuna jarriko diote arauak betetzen ez dituen jabeari.

Datorren astelehenean, txakurrak aske ibili ahal izateko arautuko duen dekretua sinatuko du Udalak, hurrengo egunetik aurrera, indarrean jarriko dutena.

Hala, txakurrak lotuta eraman beharko dira hiriko kale, parke eta leku publikoetan. Honako zona hauetan, besteak beste, ezin izango dute aske ibili: Katedraleko parkea, unibertsitateko lorategiak, Prado parkea eta Florida parkea. Arriskutsutzat jotzen diren txakurrek, ordea, beti joan beharko dute lotuta.

Udaltzaingoak hilabete osoan zehar informazioa zabaldu eta ohartaraziko die animalien jabeei. Azarotik aurrera, berriz, 120 eurotik gorako isuna jarriko diote araua betetzen ez duenari.

Eraztun Berdearen kasuan, espezie basatiei ez eragite aldera, txakurrek lotuta joan beharko dute ere, seinaleztatutako lekuetan izan ezik. Bestalde, udalerriko nekazaritza-eremuko ingurune ez urbanoetan, txakurrak aske ibili ahal izango dira, batez ere mendi-bide eta nekazaritza-bideetan, kontrakoa adierazten duen seinalerik ez badago.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa