alea.eus

Kazeroladak eta elkarretaratzeak Gasteizen, Kataluniari elkartasuna adierazteko

Erredakzioa 2017-10-02 09:24   Gizartea  Gasteiz

Eguerdian eta arratsaldean, elkarretaratzeak izan ziren erdigunean. Gauen, aldiz, lapiko hotsak entzun ziren hiriko puntu ezberdinetan, Kataluniako herritarrei sostengua agertzeko.

Kazeroladak eta elkarretaratzeak Gasteizen, Kataluniari elkartasuna adierazteko
Irudia: EH Bildu Gasteiz | Ikusi handiago | Argazki originala

Kataluniako herriari sostengua adierazteko, eta urriaren 1eko erreferendumaren aitzakian, Guardia Zibilak eta Poliziaren jokabidea eta erasoak salatzeko, elkarretaratzeak eta kazerolada egin dituzte bart, Gasteizen.

Lehendabizi, eguerdian, 13:00etan, Gure Esku Dagok deitutako elkarretaratzean.

 

 

Arratsaldean, sare sozialen bitartez zabaldu zen deialdia, 'Espainiar bortizkeriaren, errepresioaren eta inposizioaren aurka. Kataluniaren alde. Demokraziaren defentsan. Entzun gaitzatela Madrilen eta mundu osoan', lelopean.

Hala, 20:00etan Andre Maria Zuriaren plazan elkartu zen jendea, eta, 22:00etan, aldiz, gasteiztarrek etxetik zein kaletik agertu zieten elkartasuna Kataluniako herritarrei, lapiko hotsen bitartez. 

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa