Gasteizko unibertsitateko talde feministak ohar baten bidez salatu duenez, aurreko ostegunean hiru emakume larriki erasotu zituzten, hirurak beraien etxeetan zeudela. Eraso matxista hauek eremu intimoan izatea nabarmendu du talde feministak: "erasoa eremu intimoenean gertatu zen, beraien etxeetan, eta beraz, teorian seguruen gauden lekuan ere, hala ez gaudela erakusten du".
Unibertsitatearen eremuan gertatutako erasoa izanik, EHUren babes falta kritikatu du talde feministak. "Ustezko protokolo bat baldin badauka, ikasleok ez dugu horren berririk, eta gainera, ez dugu gure burua ikusten beraien eskuetan jarririk inolako soluzio eta babesik jasoko genuenik".
Erasoa salatzeko elkarretaratzea
Erasoa salatzeko elkarretaratzea deitu dute gaurko, 19:00etan Kutxin.
Tratu txarrak pairatzen badituzu edo kasuren bat ezagutzen baduzu, deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.