Datorren igandetik abuztuaren 3ra bitartean, Gasteizek harrera egingo die Euskal Herriko 18 eta 30 urte bitarteko gazteentzako ikus-entzunezkoen proiektuei.
Gasteizko Udalak, Gazteriaren Foru Erakundeak eta KalakaLab elkarteak sustatutako ikus-entzunezkoen arloko prestakuntza programaren bigarren edizioa da, eta bertako zein nazioarteko artistak izango dira. Besteak beste, Adriana Vila, Luis Macias, Maider Oleaga eta Asier Altuna gerturatuko dira Zinelekura, zinemaren munduan izandako esperientziak partekatzera eta lanak aurkeztera. Era berean, toki desberdinetako irakasleak egongo dira hirian; besteak beste, Italiatik, Mexikotik edo Frantziatik etorritakoak.
Gonbidatuen artean, gainera, besteak beste, Aitor Merino aktore eta zuzendaria, Maider Fernandez Las chicas de Pasaik-eko zuzendaria eta kidea, edo Iara Solano eszena eta ikusentzunezko arteetako artista.
Horrez gain, filmeen proiekzioak izango dira kanpoan gauero, uztailaren 24an eta abuztuaren 1ean izan ezik, Zinelekuren egoitza desberdinetan.
Egitaraua
Uztailak 23, igandea
20:00 Proiekzioa Artium museoaren aurreko zabalgunean: Playtime.
Uztailak 25, asteartea
19:00 Hitzaldia Baratza aretoan: Zinema produkzioaz jakin behar duzun guztia ordubetean.
22:00 Proiekzioa Baratza aretoan: El último verano.
Uztailak 26, asteazkena
22:00 Proiekzioa Falerinan: Eat that question: Frank Zappa in his own words.
Uztailak 27, osteguna
19:00 Hitzaldia Zas kultur aretoan: Kultur espazio alternatiboen kudeaketa alternatiboa.
Hitzaldia: Kultur espazio alternatiboen kudeaketa. Gonbidatuak: Crater Lab (Bartzelona), Baratza Aretoa (Gasteiz), ZAS kultur (Gasteiz).
22:00 Proiekzioa Falerinan: Janis
Uztailak 28, ostirala
21:30 Artium museoko ekialdeko goiko aretoan: Vendaval. Super 8 hedatuaren lantegiko ikasleen film performance kolektiboa. Luz Rojarekin batera aurkeztua.
22:00 Artium museoko ekialdeko goiko aretoan: Incluso el silencio es causa de tormenta. Luis Macias eta Adriana Vilaren azken film performancea.
Uztailak 29, larunbata
19:00 Solasaldia Baratza aretoan: Historia minimoak, film fantasgarriak.
22:00 Proiekzioa Baratza aretoan: Sra Polaroiska. Sabotajeak eta koreografiak.
Uztailak 30, igandea
19:30 Santa Maria Plazan. Film-mokadu lan kolektiboa. GOIAN Elkarteak, Cocina de Guerrillak, Monstrenkak eta Fimazpit-ek elkarrekin aurkeztua.
22:00 Proiekzioa Santa Maria Plazan: La vida de Calabacín.
La Venganza Estudiantil film laburraren estreinaldia.
Uztailak 31, astelehena
19:00 Solasasldia Baratza aretoan: Teknika eta medioak gai baten menpe.
22:00 Proiekzioa Artium museoaren aurreko zabalgunean: Alamar.
Abuztuak 1, asteartea
12:30 Solasaldia Zas kultur aretoan: Zinema jaialdi bat xehe-xehe ebakiz, haren erraietan azterka.
Abuztuak 2, asteazkena
22:00 Kalejira eta kontzertua Santa Maria Plazan: Castigators brass band.
Proiekzioa: A hard day's night.
Zinelekun egindako lanen proiekzioa.
Informazio gehiago: Zineleku 2017