Datorren asteartean, hilaren 25ean, Errege Atea, San Frantzisko kalea eta San Frantzisko aldapa baratxuri saltokiz beteko dira Santiago eguneko azoka dela eta. Aurten, 80 ekoizle etorriko dira, Araba, Bizkaia, Gipuzkoa, Nafarroa, Zaragoza, Zamora, Kantabria eta Palentziatik.
Hala, azoka goizeko zazpietatik gauerdira arte egongo da zabalik. Kontuan hartuta jaieguna izango dela, hiriko trafikoan ahalik eta traba gutxien egin dezaten, Gasteizko udaltzainek Fernando Buesa Arena pabilioira bideratuko dituzte saltzaileen ibilgailuak.
Bestetik, saltzaileak 6:00etatik 10:00etara sartu ahal izango dira 25ean, zamalanak egitera. Azoka bukatutakoan, ibilgailuak berriro sartu ahal izango dira, eta uztailaren 26ko 12:00ak arte zamalanak egiteko aukera izango dute. Ondoren, garbiketa zerbitzua arduratuko da kaleak txukuntzeaz.