Ehun musikarik ospatuko dute gaur Musikaren Eguna

Udal Banda, Musika Eskola eta Folklore Akademia elkartu dira, eta kontzertuak eskainiko dituzte Gasteizko kaleetan.

Gaur Musikaren Nazioarteko Eguna da. Hori dela eta, hiriko hiru musika erakunde batu dira; Folklore Akademia, Luis Aranburu Udal Musika Eskola eta Udal Musika Banda, lehen aldiz hirian zehar hainbat musika-jarduera erakusteko.

Hala, musikaren egunak kalejirak izango ditu, ganbera-taldeak eta comboak, eta amaierako kontzertua. Arratsaldean musika 18:30ean hasiko da Udal Musika Eskolako ganbera-talde eta comboekin, hiriaren erdialdeko hainbat txokotan. Horiekin batera izango dira Folklore Akademiako kalejira bat, baita marching band -a ere. Jarduera-egunari Andre Maria Zuriaren plazan emango zaio amaiera, eta orduan izango da Swingetik popera izeneko Udal Bandaren kontzertua eguna amaitzeko.

Egitaraua

Kalejirak

19:00: Txalaparta, alboka eta txirula taldea. Udal Folklore Akademia.

Ibilbidea: Musiketxea-Aiztogilea kalea-Musiketxea

19:15: Luis Aramburu Marching Band: Luis Aramburu Udal Musika Eskola.

Ibilbidea: Natur Zientzietako Museotik abiatuta, erdialde osotik.

 

Ganbara taldeak eta konboak

Luis Aramburu Udal Musika Eskola

18:30 Probintzia Plaza: Saxofoi Taldea

18:45 Arka Plaza: Sforzando

18:50 Probintzia Plaza: Guagongüil

19:10 Urrezko Zeledoien Plaza: Saxofoi Taldea

19:15 Arka Plaza: Oboe eta Fagot Taldea

19:15 Foru Plaza: Sforzando

19:30 Urrezko Zeledoien Plaza: Guagongüil

19:35 Foru Plaza: Oboe eta Fagot Taldea

 

Kontzertua

Del swing al pop

Udal Musika Banda

20:00 Andre Mari Zuriaren Plaza

 

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide