Datorren astean, uztailaren 1ean, Gazte Sortzaileak Bekan proiektuak aurkezteko epea amaituko da. Beka horren bidez, gazteek ahozko ekitaldi kultural bat sortu eta burutu behar dute: antzerkia, bakarrizketa, poesia-emanaldia edo dena delakoa. Ekitaldia bakarkakoa edo taldekoa izan daiteke, ahozkotasunarekin lotuta egon behar du, eta euskaraz aurkeztu behar da. 17 eta 35 urte bitartekoek eska dezakete. Gainera, intereseko arloko tutoretza profesionala izateko aukera eskaintzen du.
Proiektuak Gasteizko Udalaren Erregistro Nagusian aurkeztu behar dira (Teodoro Dublang margolariaren kaleko 25. zenbakian), 13:00ak baino lehen. Gazteek bakarka zein taldeka aurkeztu ditzakete ideiak.
Argibideen bilera
Edozein zalantza argitzeko, bilera bat egingo da bihar, 18:00etan, ZAS kultur aretoan (Hedegile kalea, 84). Egun horretan bertan, iazko bekaren irabazle Iñaki Landa joango da bere esperientzia azaltzera.
Informazio gehiago: Gazte Sortzaileak Beka 2017