Gasteizko Emakumeen Lasterketa hamargarren ediziora iritsi da. Urtero bezala, 6.000 emakume inguruk hartuko dute parte, berdintasuna eskatzeko eta bularreko minbiziaren eta genero-indarkeriaren kontra borrokatzeko. Izan ere, lasterkari guztiek 016 telefono zenbakia eramango dute dortsalean, genero indarkeria jasaten duten emakumeen arretarako zenbakia.
Lasterketa datorren igandean abiatuko da Mendizabaletik, 11:00etan, eta bost kilometro egin ondoren leku berean bukatuko da. Ostiralean, goizeko 11:00etatik aurrera, Emakumearen Feria irekiko da Iradier Arenan.
Lasterketan parte hartzeko zenbaki gehienak saldu diren arren, oraindik dortsala erosteko aukera dago.