alea.eus

Krean ez da unibertsitate pribaturik egongo

Erredakzioa 2017-05-03 13:58   Kultura  Gasteiz

Vital Fundazioak eta INT Campus-ek bertan behera utzi dute alokairu kontratua. Etorkizunean Betoñuko komentuari beste erabilera bat emateko asmoa du Fundazioak.

Datozen egunetan Vital Fundazioak eta INT Campus-ek adostuta zuten alokairu kontratua bertan behera utziko dute, eta hortaz, Krean ez da unibertsitate pribaturik egongo. Vital Fundazioaren presidente Jon Urrestik konfirmatu du gaur Radio Vitorian, eta kontratua apurtzeko arrazoiak argitu ditu: "inbertitzaileek proiektua berriro planteatu dute eta eraikina handi geratu zaie". 

Horrela, Vital Fundazioaren jabetza den eraikina libre geratu da berriz ere. "Gure asmoa eraikina zabaltzea da, bizitza eman nahi diogu", adierazi du Urrestik. Horregatik, "landutako proposamen serioak" aztertzeko prest daudela gaineratu du. Erabilerari dagokionez, "ez du zertan kulturara bideratutako proiektu bat izan behar, hezkuntzara edo ikerkuntzara zuzendu daiteke". 

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Izan zaitez ALEAkide.



Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa