Madrid eta Aragon kaleen artean, Arana auzoan, auto batek emakume bat harrapatu zuen, semaforoen bidez araututako oinezkoen pasabide batean. Bertatik pasatzen ziren bi erizain biktima laguntzen saiatu ziren, baina ezin izan zuten ezer egin, eta 71 urteko emakumea istripuaren tokian hil zen.
Udaltzaingoak aditzera eman duenez, istripua eragin zuen autoaren gidariari alkoholaren eta drogen frogak egin zizkioten eta emaitza negatiboa izan zen. Jazotakoa ikertzen ari dira.