Azkena Rock jaialdia pixkanaka ari da iragartzen 2017ko ekainerako prestatzen ari den kartela. Azken konfirmazioak The Hellacopters, John Fogerty eta Loquillo izan dira, sare sozialen bitartez jakinarazi duten bezala. Horiekin batera, Tygers of Pan Tang, The Meteors, Bloodlights, Pat Capocci eta Fetitxe talde bizkaitarra ere izango dira jaialdian, baita The Soulbreaker Company talde gasteiztarra ere. Modu honetan, momentuz horrela geratzen da datorren urterako kartela. Abonamenduaren prezioa 75 euroan eros daiteke, datorren astelehenera bitartean.
