Minbiziaren aurkako I. jaialdia ospatuko dute Gasteizen, azaroaren 25ean, Mendizorrotza kiroldegian. Musika hitzordu horretan bildutako diru guztia bideratuko dute gaixotasunaren kontrako ikerketetara. Serrera-tiketa 10 euroko prezioa du, eta jadanik salgai daude hainbat lekutan.
Jaialdiak euskal musika izango du protagonista, kantaldian irabazi asmo barik, eskuzabal, parte hartuko duten hainbat kantautoreren eskutik. Enrike Zelaia, Amaia Zubiria, Txomin Artola, Gontzal Mendibil eta Anne Etchegoyenen musikarekin gozatzeko aukera izango da.
Vital Fundazioak eta Minbiziaren Aurkako Arabako Elkarteak Mugarik gabeko musikariak erakundearen lankidetzaren ondorio izango da musika jaialdia. Minbiziaren Aurkako Arabako Elkarteari, egin ohi duenaz gain, ezohiko ikerketa lerroa finantzatzea ahalbidetuko dion diru-kopurua lortzea da jaialdiaren helburua.