Aste honetan Astearte Musikalak egitasmoaren denboraldi berri bati ekingo diote. Asteartean, hilak 8, izango da, arratsaldeko 20:00tatik aurrera, Vital Fundazioaren aretoan. Lehen kontzertua Orquesta Iberica Ensemble taldeak emango du, eta Manuel de Fallari eta Federico Garcia Lorcari eskainitako programa interpretatuko du.
Vital Fundazioak antolatzen du Astearte Musikalak ganbera musika zikloa, eta azaroan hasita, martxoaren 28ra bitartean luzatuko da. Guztira, hamazazpi kontzertu eskainiko ditu.