Zabalgana auzoko etxebizitza batean bizi ziren Anastasia eta bere bi semeak kaleratu ditu gaur goizean Alokabidek, 9.000 euroko zorra zutela eta. Arabako Etxegabetzeak Stop taldeak salatu duenez, 800 eurorekin egin behar zioten aurre egunerokoari. Goizean bizitako tentsioaren ondorioz, familia etxetik kaleratzear zirela, antsietateak jota ospitalera eraman behar izan dute emakumea.
Hasiera batean kantu eta dantza artean aurre egin diote emakumeak eta bertan bildutakoek kaleratzeari, baina tentsioa areagotu egin da. "Urkulluren eta Alokabideren hipokrisia" salatu dute desjabetzeen kontrako kolektiboek eta iragarri dute salaketa jarriko dutela kaleratzearen kontra. Han bildutako dozenaka lagunekin batera, EH Bildu eta Elkarrekin-Podemoseko kideak ere izan dira.
Errekaleor Bizirik kolektiboak gertatutakoa bideoan jaso du:
En "ciudad libre de desahucios" @Alokabide y policía desahucian así¿Algo q decir @gorka__urtaran ? #AnastasiaSeQueda pic.twitter.com/0ZZSn4qu32
— Errekaleor Bizirik! (@Errekaleor) 2016(e)ko irailak 15