Madrilgo inauterietan egindako antzerki batean ETA eta Al Kaeda goratzea leporatuta espetxeratu zituzten titiriteroen konpainia, "Titeres desde abajo", Gasteizen izango da larunbatean eta igandean; helegitea aurkeztu zioten espetxeratzeari, eta aske uzteko eskatu "inauterietako umore satira bat" zelakoan. Ismael Moreno Auzitegi Nazionaleko epaileak karguekin libre utzi zituen.
Cristobitas lana eskainiko dute larunbatean, 21:00etan, gaztetxean, eta Lo que más duele en el mundo haurrentzako lana eskainiko dute igandean, 19:00etan. Hurrengo egunetan Irun eta Donostian ere izango dituzte emanaldiak.