Bihartik aurrera, Gasteizko 25 dendak Liburu fantastikoen liburutegia erakusketa jarriko dute ikusgai; Udaleko Kultura Zerbitzuak antolatzen duen Txotxongilo Txoroak programaren barruko jarduera da, eta Cachirulo antzerki taldearen eskutik dator.
Uztailaren 7tik 30era arte, denda bakoitzaren erakusleihoan liburu fantastiko bat jarriko da ikusgai; lanketa plastikoaren laguntzaz, lanek istorioak iradokiko dituzte.
Erakusketak fantasia baliatzen du osatzen duten piezak sortzeko. Sustatzaileek diotenez, “ate bat ireki nahi diote irudimenaren lurralde emankorrari. Ikusleak liburuen inguruan abenturak asmatzera animatu nahi ditugu, beren liburutegiko apaletako liburuen azalaren atzean zer egon daitekeen gordeta irudikatzera. Liburutegi horretako liburutegiak zoratu balira bezala da. Denei gertatzen zaizkie gauza arraro eta misteriotsuak. Bakoitzak istoria bat du kontatzeko, munduko liburu guztiek bezala, baina liburu hauek modu ezberdinean transmititzea erabaki zuten”.
Informazio gehiago: ERAKUSKETAKO ERAKUSLEIHOAK: 25 LEKU LIBURU FANTASTIKOENTZAT