Badator Dibertikaleren XV. edizioa. Dibertikale animazioko ikuskizunen zikloa da, eta gizarte etxeetatik hurbil dauden plaza, kale eta parkeetan egiten da uztailaren lehen hamabostaldiko arratsaldeetan. Haurrei eta oro har familiei zuzendutako 12 ikuskizun eskainiko ditu, horien artean, antzerkia, zirkua, pailazoak eta kalejirak. Sei euskaraz izango dira, lau hitzik gabeak eta bi gaztelaniaz. Talde guztiak Euskal Herrikoak dira, eta horietako lau (Panta Rhei, Ortiz Acosta, Mago Sun eta Circotito) Gasteizkoak. Saio guztiak 19:30ean hasiko dira. Iaz 3.500 pertsonak gozatu zuten Dibertikalez.
Egitarau osoa: Dibertikale 2016