Datorren asteburuan udalak urtero antolatu ohi duen Jolasen Jaialdia ospatuko da, Jolas egunak kalean deituta. Hiriko auzo gazteenetan egingo dira, zehazki, Ibaiondon (Landaberde, 31), Salburuan (Bratislava, 2) eta Zabalganan (Bastida, 13), ekainaren 30ean arratsaldez; uztailaren 1ean, goiz eta arratsaldez, eta uztailaren 2an (larunbata), goizez, honako ordutegian: 10:30etik 14:30era eta 16:30etik 21:30era.
Guztira, 30 jolasgune eskainiko ditu jaialdiak, umeei, gazteei eta familiei zuzendutako jarduerekin. Besteak beste, puzgarri tematikoak, lantegiak, ludoteka, mahai jokoak, tamaina handiko jolasak, kirol eremua, aurpegiak margotzeko tailerrak eta musika izango dira.
Aurtengo berrikuntza hiru jolasguneak lotuko dituen trena izango da, nahi duena batetik bestera joan dadin. 40 minutuko maiztasuna izango du, eta hiru geltoki: Bucarest kalean, Landaberde kalean eta Zuhatzuko atean.