Gasteizko Udalaren Osoko Bilkurak Gasteizen gertatu den emakumearen hilketa gaitzetsi du. Gasteizko Udalak, emakume gasteiztar honen sendia momentu zail honetan laguntzeko prest dagoela eta ahal duen laguntza guztia eskaintzeko Udal honek dituen baliabide guztiak jarriko dituela adierazi du.
"Emakumeon aurkako bortizkeria gizarte osoaren lehen mailako arazoa dugu. Berdintasun ezak eta bizitzako eremu ezberdinetan emakumeok pairatzen dugun menpekotasunak, indarrean dagoen gizarte sistema patriarkalean du jatorria. Gaur egungo gizarte honek kulturalki eraiki berdintasun eza. Urtean hainbeste bizitza kentzen dizkigun bortizkeria hau arazo politiko eta publiko larria dugu", dio erakunde adierazpenak.
Elkarretaratzeak
Gasteiztarrek azken hilketa sexista salatu dute gaur Gasteizko mugimendu feministak deitutako elkarretaratzean. Bihar, manifestazioan abiatuko dira, 20:00etan Andre Maria Zuriaren plazatik.
Gasteizko Udaletxean ere protesta egin dute gaur eta eguerdiko 12:00etan Plaza Berrian bost minutuko isilunea egingo dute.
