Zabalgana ikastetxeko Amezti-Txiki gurasoen elkartearen LOMCE-Heziberriren kontrako taldeak eskolako eragile guztiak "LH3. mailako azterketaren kontra" dagoela adierazi du ohar baten bidez.
Izan ere, 3. mailako familiek, gurasoen elkarteak eta Eskola Kontseiluak LOMCEak inposatzen duen proba honen aurrean planto egitea erabaki dute. "Ez dugu onartzen Hezkuntza Sailak inposatutako estrategia, nahasmenarekin jolastuz, Madrilgo araudia ontzat hartzen, eta aldi berean, EAEn kontrol-akademikoaren aurrean malgutasuna daukagula sinistaraziz", azaldu dute eragileek.
"Hauteskundeak laster ospatu behar direnez, Eusko Jaurlaritzak egoera isildu nahi izan du eskola-komunitateari protesta publikoa egiteko eskubidea ukatuz". Hori dela, proba honi planto egitea erabaki dutela iragarri dute.