Zentro soziokulturaletako adinekoek Gasteizko kaleak, azokak, osasun zentroak, dendak eta autobusak “hartuko” dituzte gaur eta bihar, Shakespeare eta Cervantesen olerkiekin, “Olerkien txokoa” ekimenaren barruan. Modu honetan, gogora ekarriko dute 400 urte igaro direla Cervantes eta Shakespeare hil zirenetik.
“El Quijote itinerante y Cervantes en verso y Shakespeare en el reverso” lemaren pean, gaur eta bihar, Gasteizko adinekoen talde batzuk Shakespeare eta Cervantesekin lotutako testuak irakurriko dituzte hiriko zenbait lekutan: azokak, osasun zentroak, autobus geltokia, dendak, plaza publikoak… Zehazki, Abetxuku, Arriaga, Lakua eta Zaramaga auzoetan, erdigunean eta Udalaren Gizarte Politiken Sailaren bulegoetan arituko dira.
Bestetik, asteazken arratsaldean, 18:00etatik 19:30era, adinekoentzako zentroek omenaldia egingo diote Shakespeare eta Cervantesen lanari, prosa, poesia eta antzerkiaren bidez, Vital fundazioak Dendaraban duen aretoan.
Egitaraua osoa: Olerkien Txokoa