Gasteizko marrazkilarien Ilustrapados elkarteak hitzordu berezia prestatu du datorren astebururako. Hilero bezala Dibupotea antolatu du eta egunotan Liburuaren Eguna dela aprobetxatuz, Fanzineen eta Autoedizioaren II Azoka egingo du. Helburua inguruko ilustratzaileen lana ezagutzera ematea da, horretarako hauek autoekoiztutako lanak ikusgai izango dira Herrandarren kaleko Sonora tabernan. XV. Dibupoteak, marrazkilarien 'borroka' batek, kontzertuek eta zenbait hitzaldik osatuko dute egitaraua.
Apirileko Dibupotea, esaterako, ostiralean egingo dute, 20:00etatik aurrera. Egun horretan ere, marrazkilarien 'duelua' egingo dute. Arkatzekin eta paperekin lehiatuko dira borroka berezi honetan parte hartuko dute ilustratzaileek eta momentu horretan kontzertua eskaintzen egongo den The Lazy Rivers taldearen musikariak margotuko dituzte. Publikoaren iritzia funtsezkoa izango da irabazlea aukeratzeko.
Larunbatean, La Madeja Creativa tailerra, copyleft-aren inguruko hitzaldia eta autoekoizpenari buruzko eztabaida-bermuta egingo dira, azken jarduera hau Jefe Chirpa taldearen musikaz lagunduta.
Egitaraua
Apirilaren 22a, ostirala
18:00 Fanzineen eta autoekoizpenaren II. azokaren inaugurazioa
20:00 Dibupotea eta The lazy rivers taldearen kontzertua
22:00 Marrazkilarien 'duelu' azkarra
Apirilaren 23a, larunbatea
10:00-12:00 'La Madeja Creativa' tailerra
12:00h '11 razones a favor del copyleft' hitzaldia
13:30h ¡¿y Ahora Qué?' hitzaldi-bermuta, JEFE CHIRPA talderaren akustikoarekin