Udalak natur ibilaldien programa bat eskainiko du 55 urtetik gorakoentzat maiatz, ekain, irail eta urrian, prezio eskuragarrietan; izena eman duten txangoei buruzko informazio zehatzagoa ere emango zaie parte hartzaileei.
7-12 kilometro bitartean
Kirol Zerbitzuak 7 eta 12 kilometro bitarteko irteerak proposatzen ditu udaberri eta udazkenerako, 24 guztira, lurraldeko hainbat lekutara: Mandazainen Zidorra, Gesaltza Añana, Lalastra, Otxandio, Kripan, Gasteizko Mendiak, Gebarako gaztelua, Kodes mendilerroa edo Albertia mendia. 08:30ean irten eta 14:00etarako itzuliko da.
Prezio orokorra 2,70 euro da irteera bakoitzeko (udal instalazioen bazkideentzat 1,60 euro). Irteera baino 7 egun lehenagotik eman daiteke izena, aurreko eguneko 13:00 arte. Gizarte etxeetan eta Mendizorrotzean eman daiteke izena.