Azken asteetan Mariturri auzoan kokatuko den meskita berriak jasan dituen erasoen aurrean, auzoko zenbait bizilagun kalera irten ziren aurreko ostegunean eta arrazismoaren aurkako mezuak eta marrazkiak utzi zituzten meskita irekitzekoa den lokalean.
Aurreko ostegun arratsaldean Mariturri eskolan elkartu ziren auzoko zenbait bizilagun. Bertan, arrazismoaren aurkako marrazki koloretsuak egin zituzten eta ondoren, kalejiran abiatu ziren meskita berria irekitzekoa den lokaleraino. Bertan, marrazki eta mezu horiek aurreko egunetan txerri-haragiarekin eta odolarekin erasotua izan zen horman eskegi zituzten.
Argazkiak: Mariturriko gurasoen elkartea.
ALEAren albisteak Whatsapp edo Telegram bidez jaso nahi dituzu?
WHATSAPP: Bidali ALEA hitza 645 66 86 02 telefono zenbakira.
TELEGRAM: Batu zaitez @ArabakoALEA kanalera.
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?
