The Who eta Danzig taldeen ondotik, Azkena Rock jaialdiak beste lau talde gehitu ditu gaur zerrendara, tartean Imelda May eta The Scientists, Los Brazos eta The Milkyway Express taldeekin batera.
Imelda May abeslariak Dublingo klubetan hasi zuen musika ibilbidea 16 urte baino ez zituela. Haren taldea sortu zuen 2006an eta bi urte barru aurkeztu zuen Love Tatoo lana. Kritika eta publiko aldetik arrakastatsua izan zen lana, eta Irlandako lehen emakumea izan zen salduenen lehen postua eskuratu zuena, azkeneko 25 urteetan lehen aldiz. Billy Holiday eta Wanda Jackson handiak izan ditu inspirazio iturri, rockabilly ahots onenetakoa duen emakumeak.