Gasteizko labeldun musikari batek irekiko du aurten hiriko Jazz jaialdia: Pablo Martin Caminero kontrabaxu-jotzaileak. Beste bi musikarirekin batera igoko da Principal antzokiko oholtzara: Albert Sanz pianista eta Borja Barrueta bateria-jolea.
Konexioa saioaren protagonista izango da hirukotea; hain zuzen, Euskadiko eta Ipar Amerikako musikarien arteko loturak indartzeko egiten da Konexioa, Jazzaldiaren baitan XXI. mendeko jazzari eskaintzen zaion zikloaren barruan. Aurten, bertako artistek Chris Cheek saxofoi-jotzailearekin konpartituko dute agertokia.
Bost eguneko programazioa
Uztailaren 16ra arte, asko dira taulatik pasako diren musikariak: ezagunenen artean, Kenny Barron pianojolea, Jamie Cullum jazz eta pop abeslari britaniarra, eta Pat Metheny gitarra-jole eta Ron Carter kontrabaxu-jotzaile beteranoak daude.
Maila altuko beste musikari askok osatuko dute zerrenda. Tartean, Taj Mahal, Tom Harrell Trip, Joshua Redman Quartet eta Cécile Mclorin Salvant musikari eta taldeak daude, baita The Aaron Diehl Trio eta The Victory Gospel eta Bryant Jones ere.