Umeentzat bakarrik ez: gurasoentzat eta hezitzaile askorentzat ere erreferente bilakatu da Joxe Mari Agirretxe 'Porrotx' (Lasarte Oria, 1964). Bere lana gertutik ezagutzeko eta pailazo bezala aisialdi arloan, baloreen transmisioan, gizarte-aktibazioan eta euskagintzan duen eginkizunaz hitz egiteko, elkarrizketa irekia eskainiko dute Oihaneder Euskararen Etxeak eta Arabako ALEA aldizkariak ostegun honetan (martxoak 17), 18:30ean Montehermoso jauregiko sotoan.
Publikoak nahi beste galdera egin ahal izango dizkio Porrotxi. Berak, bestalde, bere abestirik eta objekturik kutunenak ekarriko ditu Gasteizera, eta bere gustuko meriendaz gozatu ahal izango dute bertaratzen diren guztiek. Saio irekia eta doakoa da, lekuak bete arte.
SolasALEAn Oihanederrek eta ALEA aldizkariak elkarlanean egindako ekimena da, hilero arlo anitzetako pertsonak modu hurbil eta atseginean gehiago ezagutzeko aukera ematen duena. Orain arte Gorka Urbizu, Garbiñe Biurrun, Kike Amonarriz, Josebe Iturrioz, Ane Irazabal eta Juan Jose Ibarretxe izan dira elkarrizketatuak.