Datorren asteburuan Oreka kaleko dantza jaialdia ospatuko da Gasteizen. 50 taldeko 500 dantzarik baino gehiagok aurten seigarren edizioa ospatuko duen lehiaketan parte hartuko dute. Susanna Ayllon, Antoinette Gomis eta Isaac Suarez koreografoak kaleko dantzako talderik onena aukeratzeko arduradunak izango dira.
Larunbatean, hilak 12, masterclass bat egingo dute Lakua gizarte etxean, 16:00etatik aurrera. Igandean, berriz, lehiaketa izango da, Mendizorrotza kiroldegian, 11:00etatik aurrera. Guztira, 700 ikusle baino gehiago biltzea aurreikusten dute antolatzaileek.
.