Balfolkaren eta euskal dantzen plaza [Ilunabarrean dantzan]

Ilunabarrean dantzan, balfolk-aren eta euskal dantzen plaza zikloaren ikasturteko azken saioan ikasitako dantzen birpasa egingo da. 20:00etan abiatuko den dantzaldian jauziak, scottish-a, fandangoa, mazurka, arin-arina, bourrée-a, balsak… jo eta dantzatuko dira.

Zikloaren amaierak ukitu berezia izango du. Izan ere, Nika Bitchiashvilik joko du bibolina eta Suitzako balfolk mugimenduan ibiltzen diren hainbat dantzariren bisita izango dugu.