Gasteizko musika taldeek entsegu-aretoak erabiltzeko diru-laguntzak jasotzeko aukera izango dute hemendik aurrera, bertan beren lanak sortu, entseatu eta grabatzeko. Gasteizen erroldatutako musikari orori zuzenduta dago programa, eta aretoen jabe Talde Gune Gasteiz enpresarekiko lankidetzan egingo dute: bi areto, orduko 3 euro ordainduz, erabiltzeko aukera emango dute, Udalak % 60ko diru-laguntza emango baitu.
Bi motatako erabilerak bereiziko dira: bi pertsonak edo gehiagok osatutako musika taldeak, eta banakoak. Taldeek izango dute lehentasuna, zerbitzua hobeto aprobetxatzearren. Astean gutxienez bi ordu erabili beharko da aretoa, eta pertsona edo talde berak ezingo du lau ordu jarraian baino gehiago erabili.
Udalaren webgunean eman ahalko da izena, martxoaren 18ra arte. Zozketa egingo da izena eman dutenen artean lekuak banatzeko, martxoaren 21ean. 2016ko apiriletik abendura arte erabili ahalko dira aretoak.