El Mineral jatetxea botako dute

Mendizorrotza ondoan kokatzen den El Mineral jatetxea botatzeko erabakia hartu du udalak, eraikinaren inguruko txostenaren ondorioak ezagutu ondoren. Azken urteotan, Cervantes pasealekuak eta San Prudentzio hiribideak topo egiten duten bidegurutzean kokatzen den eraikinaren egoerak okerrera egin du eta guztiz konpontzeko ehun esku-hartze baino gehiago egin behar zaizkiola ondorioztatu du txostenak. Kalteak batez ere egiturari lotuta daude, adibidez, mekanismo elektriko guztiak, ateak, hoditeria eta argiztapen elementu guztiak desagertu dira eta zenbait horma eta leiho apurtuta daude. Udalak erreforma hau ezin duela bere gain hartu iragarri du. El Mineral jatetxea 2005.urtetik dago itxita. 2001.urtean Gasteizko lehen jatetxe bioklimatikoa izateko jaio zen baina lau urte ondoren, ateak itxi zituen.