[Eskilarapeko soinuak] Jon Gurrutxaga

Ia bi hamarkadako ibilbidea du musikari elgoibartarrak, proiektu ezberdinekin argitaratutako zortzi disko eta makina bat emanaldi, gehienak Euskal Herrian, baina baita Espainian, Erresuma Batuan eta Alemanian ere.

2014ko urrian bere lehen bakarlana argitaratu zuen, "Hitz lauz" (Gaztelupeko Hotsak), lagunez inguraturik osatutako disko semi-akustikoa. "Hitz lauz" izenarekin bataiatutako diskoan soinu akustiko eta elektrikoen artean dauden hamar kantu biltzen dira. Blues-aren eraginik ere baduen arren, rock estiloan oinarritzen da lana.