CEAR-Euskadi, errefuxiatuari laguntzeko batzordea, pertsona errefuxiatuak hartzeko alokairuzko pisu bila dabil Gasteizen, hirira heldu berri diren pertsona hauek etxe bat izan dezaten.
Horretarako, norbanako zein higiezinen agentziei deialdia egin die batzordeak, batez ere, 3-8 logelako pisuak dituzten horiei. (Alokairuaren prezioa egungo merkatuaren araberakoa).
CEAR-Euskadik azaldu bezala, Siria, Eritrea eta Irak bezalako herrialdetako pertsona errefuxiatuei eragiten dien egoera okerrera joan da, eta beraz, gora egin du gure lurraldera etorri diren familia eta norbanakoen kopuruak. Hori dela eta, harrera-etxeetako lekuak handitzeko beharrean dago CEAR-Euskadik. Izan ere, zailtasunak izan dituzte alokairuzko pisu gehiago bilatzerako orduan. “Askotan zailtasunen artean beldurra edo herritarren aurreiritziak aurkitzen dira”.
Egun, CEAR-Euskadi harrera-pisu bi kudeatzen ditu Gasteizen. Horietako batean, Ukrania, Palestina, Siria, Somalia, Afrika Erdiko Errepublika eta Bosniako 10 pertsona errefuxiatu bizi dira. Bestean, adingabeak dituzten bi familiar siriar bizi dira. Pisu hauek ez dira udal-etxebizitzak eta elkarteak ohiko kontratua sinatu du jabearekin.
Kontakturako telefonoa: 688 713 127